अनामप्रेम संचालित ‘सत्यमेव जयते ग्राम प्रकल्प’, निंबळक येथे रविवारी, ३० ऑगस्ट २०२६ रोजी ‘आर्किटेक्ट्स, इंजिनियर्स अँड सर्व्हेअर्स असोसिएशन’ (AESA), अहिल्यानगर यांच्या संयुक्त विद्यमाने रक्षाबंधन उत्सव अतिशय उत्साहात आणि आनंदी वातावरणात पार पडला. या कार्यक्रमादरम्यान AESA असोसिएशनच्या पदाधिकाऱ्यांनी व सदस्यांनी दिव्यांग विद्यार्थ्यांसोबत रक्षाबंधन साजरे करत सामाजिक बांधिलकी जपली. संस्थेच्या शैक्षणिक उपक्रमांना हातभार म्हणून असोसिएशनच्या वतीने अनामप्रेम संस्थेला संगणक संच भेट द

दृष्टिहीन विद्यार्थ्यांना शैक्षणिकदृष्ट्या स्वावलंबी बनविण्यासाठी ‘स्व-लेखन’ सॉफ्टवेअर प्रशिक्षण अनामप्रेममध्ये उत्साहात संपन्न झाले. निवांत संस्था, पुणे यांच्या सहकार्याने झालेल्या या प्रशिक्षणातून विद्यार्थ्यांनी स्वतः परीक्षा सोडविण्याचा आत्मविश्वास अनुभवला. “मी स्वतः करू शकतो.!” या विश्वासाला तंत्रज्ञानाची साथ मिळाली. दृष्टिहीन विद्यार्थ्यांच्या स्वावलंबी आणि सक्षम भविष्यासाठी अनामप्रेमची वाटचाल सदैव सुरूच…!

अनामप्रेमच्या सत्यमेव जयते ग्राम प्रकल्पात दहीहंडी उत्सव उत्साहात आणि जल्लोषात साजरा झाला.! दिव्यांग विद्यार्थ्यांच्या नृत्य, कृष्णलीला आणि उत्स्फूर्त सहभागाने परिसर आनंदाने फुलून गेला. एकता, सहकार्य आणि आत्मविश्वासाची ताकद अनुभवायला मिळाली. शारीरिक मर्यादा असल्या तरी आनंद, उत्साह आणि स्वप्नांना मर्यादा नसतात..!

दिव्यांगांच्या जीवनात आशेचा दीप प्रज्वलित करत त्यांना शिक्षण, पुनर्वसन, कौशल्यविकास आणि स्वावलंबनाच्या प्रवाहात सामावून घेण्यासाठी सातत्याने कार्यरत असलेल्या अनामप्रेम संस्थेच्या उल्लेखनीय व प्रेरणादायी कार्याची पुन्हा एकदा सन्मानपूर्वक दखल घेण्यात आली आहे. 'द पब्लिक ब्रॉडकास्ट मीडिया कंपनी' यांच्या वतीने आयोजित ‘द पब्लिक एक्सलन्स अवॉर्ड्स २०२६’ या प्रतिष्ठित पुरस्कार सोहळ्यात दिव्यांग क्षेत्रातील उल्लेखनीय आणि समाजाभिमुख कार्याबद्दल अनामप्रेम संस्थेला पुरस्काराने गौरविण्यात

१००% दृष्टिहीन असूनही रेल्वे सेवेत स्वावलंबीपणे कार्यरत असलेले श्री. नितीन बोरुडे यांनी वाढदिवसानिमित्त अनामप्रेमच्या दिव्यांग विद्यार्थ्यांची भेट घेतली. स्वतः स्वावलंबी होत, दिव्यांग विद्यार्थ्यांसाठी काम करणाऱ्या संस्थेलाही मदतीचा हात देत त्यांनी समाजासमोर प्रेरणादायी आदर्श घालून दिला.

नाडियाद, गुजरात येथे झालेल्या दुसऱ्या युथ पॅरा गोलबॉल नॅशनल चॅम्पियनशिप २०२६-२७ मध्ये महाराष्ट्राने राष्ट्रीय अजिंक्यपद पटकावले..! अनामप्रेमची गुणवान विद्यार्थिनी कु. कल्पना कदम हिने अंतिम सामन्यात तब्बल ९ गोल करत महाराष्ट्राच्या विजयात मोलाची भूमिका बजावली. कल्पना कदम आणि महाराष्ट्राच्या विजयी संघाचे हार्दिक अभिनंदन.! टीम अनामप्रेम,

दिनांक १४ ऑगस्ट रोजी पुण्यातील टिळक स्मारक मंदिर येथे रसिक कलारंजन, पुणे निर्मित आणि श्री. सुधीर भगत आयोजित ‘गगनीचा अढळ तारा’ हा कविवर्य वि. वा. शिरवाडकर तथा कुसुमाग्रज यांच्या साहित्यविश्वावर आधारित अप्रतिम कार्यक्रम अनुभवण्याचा योग आला. कुसुमाग्रज हे मराठी साहित्यविश्वातील खऱ्या अर्थाने ‘गगनीचा अढळ तारा’ आहेत. त्यांच्या जीवनातील प्रसंग, साहित्यिक प्रवास आणि अजरामर कविता, गीते, गायन, वादन व नृत्याच्या माध्यमातून ज्या कलात्मकतेने रसिकांसमोर साकारले गेले, ते मनाला स्पर्शून गेल

एक कदम और फाउंडेशनच्या सहकार्याने अनामप्रेम संस्थेतील दृष्टीहीन विद्यार्थ्यांना स्मार्टफोनचे वितरण करण्यात आले. हा उपक्रम विद्यार्थ्यांना डिजिटल शिक्षण, माहितीची सहज उपलब्धता आणि स्वावलंबनाकडे आत्मविश्वासाने वाटचाल करण्यासाठी प्रेरणादायी ठरणार आहे.

कम्युनिटी आय केअर फाउंडेशन (गोगटेज आय क्लिनिक, पुणे) यांच्या सहकार्याने अनामप्रेम संस्थेतील अंध विद्यार्थ्यांना स्मार्ट व्हिजन ग्लासेस वापरण्याचे ऑनलाइन प्रशिक्षण देण्यात आले. या प्रशिक्षणात विद्यार्थ्यांनी कागदपत्रे वाचणे, नोटा-नाणी ओळखणे, आजूबाजूची माहिती जाणून घेणे आणि दैनंदिन जीवनात या तंत्रज्ञानाचा प्रभावी वापर करण्याचे कौशल्य आत्मसात केले.

अनामप्रेम संस्था व इंडियन मेडिकल असोसिएशन (IMA), अहिल्यानगर यांच्या संयुक्त विद्यमाने गांधी मैदान प्रकल्पात दिव्यांग विद्यार्थी व लाभार्थ्यांसाठी भव्य मोफत रोग निदान शिबिराचे आयोजन करण्यात आले. नगर शहरातील नामवंत तज्ज्ञ डॉक्टरांनी बालरोग, स्त्रीरोग, दंत, नेत्र, रक्तदाब, मधुमेह आदी विविध आजारांची विनामूल्य तपासणी करून वैद्यकीय सल्ला दिला. सेवेचा व संवेदनशीलतेचा सुंदर संगम घडवून आणणाऱ्या सर्व मान्यवर डॉक्टरांचे व सहकार्य करणाऱ्या सर्वांचे अनामप्रेम परिवारातर्फे मनःपूर्वक आभार..

अनामप्रेमच्या सत्यमेव जयते ग्राम प्रकल्प (निंबळक) येथे लायन्स क्लब पुणे विजयनगर यांच्या सहकार्याने कौशल्य विकास केंद्रासाठी स्वतंत्र सोलर उर्जा प्रकल्प उभारण्यात आला. दिव्यांग युवक–युवतींच्या प्रशिक्षण व रोजगारासाठी कार्यरत असलेल्या प्रकल्पाला भविष्यात ऊर्जा स्वावलंबन देणारी ही महत्त्वपूर्ण सुविधा ठरली. लोकार्पण कार्यक्रम मान्यवरांच्या उपस्थितीत, विद्यार्थ्यांच्या स्वागतगीताने आणि प्रकल्पदर्शनासह उत्साहात संपन्न झाला.

अनामप्रेम संस्थेतर्फे थंडीग्रस्त गरीब व दिव्यांग बांधवांना उबदार ब्लॅंकेट व गरम कपड्यांचे वाटप करण्यात आले. रात्रीच्या वेळी कार्यकर्त्यांनी रेल्वे स्टेशन, बसस्थानक आणि सार्वजनिक ठिकाणी भेट देत बेघर, प्रवासी व असहाय व्यक्तींना मदतीचा हात देऊन मानवतेचा महत्त्वपूर्ण संदेश दिला.

अनामप्रेम संस्था संचलित गौरांग अभिनव शाळेत जागतिक अंध दिन उत्साहात साजरा करण्यात आला. विशेष मुलांनी प्रेरणादायी घोषणा देत रॅली काढली व समाजात समानता, संवेदनशीलता आणि जागरूकतेचा संदेश दिला. हा उपक्रम विद्यार्थ्यांच्या आत्मविश्वासवृद्धीसोबतच सामाजिक जनजागृतीसाठी महत्त्वपूर्ण ठरला.

मुसळधार पावसामुळे निर्माण झालेल्या पुरस्थितीत अनामप्रेम परिवाराने मानवतेचा सुंदर आदर्श घालून दिला आहे. नगर जिल्ह्यातील शेवगाव, पाथर्डी तालुक्यातील पूरग्रस्त दिव्यांग बांधवांना घरपोच किराणा किट, आवश्यक साहित्य आणि मानसिक आधार देऊन त्यांच्यापर्यंत आशेचा किरण पोहोचवला.

नवी दिल्ली येथे राष्ट्रीय पातळीवर आयोजित नॅशनल पॅरा योगासन स्पोर्ट्स चॅम्पियनशिप 2025-26 या स्पर्धेत अनामप्रेमची कन्या कु. कल्पना कदम हिने अंध विभागातून प्रथम क्रमांक पटकावत सुवर्णपदक (Gold Medal) मिळवले आहे. कल्पनाच्या या उल्लेखनीय यशामुळे संपूर्ण अनामप्रेम-स्नेहालय परिवार अभिमानाने गौरवलेला आहे. कल्पनाचे हे यश तिच्या परिश्रम, चिकाटी आणि संस्थेच्या सातत्यपूर्ण मार्गदर्शनाचे उत्तम उदाहरण आहे. अनामप्रेम परिवाराकडून कल्पनाचे हार्दिक अभिनंदन व पुढील वाटचालीस शुभेच्छा.

श्रावण मासानिमित्त अनामप्रेम मधील अंध, अस्थिव्यंग व मूकबधिर विद्यार्थिनींनी श्री. लालगिरी बुवा संजीवन समाधी स्थळ, श्री क्षेत्र मांदळी (ता. कर्जत) व श्री भैरवनाथ मंदिर, बनपिंपरी (ता. श्रीगोंदा) या पवित्र तीर्थक्षेत्रांना भेट दिली.

अनामप्रेमच्या सत्यमेव जयते ग्राम प्रकल्पात मा. बच्चुभाऊ कडू यांच्या हस्ते कौशल्य विकास केंद्र व दिव्यांग मेळाव्याचे भव्य उद्घाटन उत्साहात पार पडले. या उपक्रमामुळे दिव्यांग बांधवांना स्वयंरोजगाराच्या संधी उपलब्ध होऊन आत्मनिर्भरतेचा नवा मार्ग खुला झाला आहे. कार्यक्रमात विविध जिल्ह्यांतील दिव्यांग बांधवांचा उत्स्फूर्त सहभाग दिसून आला. हा मेळावा दिव्यांग कल्याणासाठी नवी दिशा ठरला.

या उपक्रमात फाउंडेशनच्या श्रीमती फराह नाज मॅडम व मा. फतेह रनधवा सर उपस्थित होते. त्यांनी अंध विद्यार्थ्यांच्या सुरक्षिततेसाठी खास डिझाइन केलेल्या वस्तूंचे महत्त्व अधोरेखित केले. संस्थेचे मा.जे.आर. मंत्री व अनिल गावडे यांनी संस्थेचे कार्य व उद्दिष्टे सविस्तर मांडले या कार्यक्रमास अनेक मान्यवर, शिक्षक, विद्यार्थी आणि मा.डॉ. लतिका नरवडे मॅडम यांची उपस्थिती लाभली.